Xhelozia nuk është ndjenjë që prek vetëm marrëdhëniet në çift. Shpesh, edhe burrat mund të ndjejnë xhelozi ndaj njëri-tjetrit, qoftë për suksesin, karrierën, pamjen, paratë apo vëmendjen që merr dikush tjetër në shoqëri.
Psikologët thonë se krahasimi mes meshkujve është i zakonshëm dhe lidhet me dëshirën për të qenë më i suksesshëm apo më i vlerësuar. Në shumë raste, kjo xhelozi nuk shprehet hapur, por reflektohet përmes konkurrencës, ironive apo distancimit në raportet shoqërore, transmeton Klankosova.tv.
Rrjetet sociale kanë ndikuar gjithashtu në rritjen e krahasimeve mes njerëzve. Burrat shpesh shohin jetën “perfekte” të të tjerëve, makina luksoze, pushime, sukses profesional apo fizik të formësuar dhe kjo mund të krijojë ndjenjë pakënaqësie apo xhelozie.
Ekspertët theksojnë se një nivel i vogël xhelozie mund të shërbejë edhe si motivim për përmirësim personal. Problemi nis kur krahasimi bëhet i vazhdueshëm dhe ndikon në vetëbesim apo në marrëdhëniet me të tjerët.
