Autoritetet daneze po hetojnë praninë e një anijeje luftarake ruse pranë bregdetit të tyre, pasi dronët fluturuan pranë aeroporteve dhe objekteve ushtarake këtë javë.
Sipas gazetës daneze Ekstra Bladet, Aleksandr Shabalin, një anije zbarkimi e klasit Ropucha, u vu re rreth 12 kilometra në lindje të Langeland dhe në jug të Lolland, pak jashtë ujërave daneze me sistemin e saj të gjurmimit të fikur.
E armatosur me raketahedhës, topa automatikë dhe armë kundërajrore, anija mund të mbajë tanke dhe trupa dhe më parë ka mbështetur operacionet ruse në Siri.
Shfaqja e anijes përkoi me fluturimet e dronëve që detyruan Aeroportin e Aalborg-ut në Danimarkë, i cili gjithashtu strehon avionë luftarakë, të mbyllet për disa orë të mërkurën në mbrëmje.
Incidente të ngjashme u raportuan pranë Esbjerg-ut, Sønderborg-ut dhe bazës ajrore Skrydstrup.
Ministri danez i Mbrojtjes Troels Lund Poulsen i përshkroi incidentet si një “sulm hibrid” nga një aktor profesionist.
