Presidenti rus Vladimir Putin ka premtuar hakmarrje pasi akuzoi Ukrainën për kryerjen e një sulmi vdekjeprurës në një konvikt studentor në një pjesë të pushtuar të Ukrainës lindore.
Gjashtë persona u vranë dhe 39 të tjerë u plagosën në sulmin e natës në qytetin Starobilsk, rajoni i Luhansk, tha Putin. 15 persona të tjerë rezultojnë të zhdukur, raporton BBC, transmeton Klankosova.tv
Ushtria ukrainase tha se goditi selinë e njësisë ushtarake elitare të dronëve Rubicon të Rusisë në Starobilsk. Nuk tha nëse ishte e njëjta ndërtesë me atë të identifikuar nga Rusia.
“Nuk ka objekte ushtarake, objekte të shërbimit të inteligjencës apo shërbime të ngjashme në afërsi”, tha Putin në Moskë.
“Prandaj, nuk ka absolutisht asnjë bazë për të pretenduar se municionet goditën ndërtesën si rezultat i sistemeve tona të mbrojtjes ajrore ose të luftës elektronike”, tha ai në një pritje në rezidencën e tij në Kremlin të premten.
Ai urdhëroi ushtrinë ruse të përgatiste “propozimet” e saj se si të hakmerrej.
