Pilates, edhe pse është një metodë ushtrimesh e krijuar rreth 100 vite më parë, është bërë shumë më popullore në vitet e fundit.
Sipas një raporti të vitit 2026, gjithnjë e më shumë studio fitnesi po e ofrojnë këtë aktivitet.
Pilates sjell shumë përfitime: ndihmon në forcimin e muskujve të dobët, përmirëson balancën, stabilitetin e nyjeve, qëndrueshmërinë, fleksibilitetin dhe qëndrimin trupor.
Disa studime tregojnë gjithashtu se mund të ndihmojë shëndetin mendor duke ulur stresin, ankthin dhe depresionin, transmeton Klankosova.tv.
Sa i përket pyetjes nëse Pilates mund ta ndryshojë pamjen e trupit, instruktorët thonë se mund të ndihmojë në krijimin e një fiziku më të tonifikuar, por zakonisht duhet të kombinohet edhe me ushqim të shëndetshëm dhe aktivitete të tjera fizike.
Sipas tyre, Pilates forcon muskujt përmes lëvizjeve të kontrolluara dhe rezistencës, duke përmirësuar gradualisht definimin e trupit.
Për rezultate më të mira, rekomandohet të praktikohet rreth 3 deri në 4 herë në javë.
Ndryshimet e para mund të vërehen pas disa javësh, ndërsa rezultatet më të dukshme vijnë me kohë dhe me konsistencë.
Instruktorët theksojnë se me ushtrime të rregullta, përmirësime në forcë dhe qëndrim trupor ndihen shpejt, ndërsa ndryshimet në pamje kërkojnë më shumë kohë dhe disiplinë.
