Një incident i rëndë ndodhi në Delvinë gjatë orëve të natës, ku një 38-vjeçar, Panajot Imeri, mbeti i plagosur rëndë pas një sherri pranë një lokali.
Viktima u godit me thikë në brinjë dhe krahë dhe u transportua menjëherë në spitalin e Sarandës, ku pas marrjes së ndihmës së parë ndodhet jashtë rrezikut për jetën.
Policia arrestoi autorin e dyshuar të sulmit, Festim Abdi, 55 vjeç, i njohur si “Feçi.” Abdi është një ish-biznesmen i lokaleve të natës në Sarandë dhe ka precedentë të mëparshëm penalë.
Sipas hetimeve paraprake, ngjarja dyshohet të ketë ndodhur për motive banale, pasi të dy personat kishin konsumuar alkool.
