Çdo ditë në vendin tonë raportohen dhjetëra raste të dhunës në familje, ku viktima janë zakonisht gratë që përjetojnë dhunë psikike e fizike nga familjarët e tyre. Por nuk janë të rralla edhe rastet kur nga dhuna pësojnë edhe nuset të cilat kanë probleme me vjehrra, raporton Gazeta Sinjali.
Një rast i tillë ka ndodhur sot në një familje në Skenderaj, ku një 66-vjeçare dyshohet se ka ushtruar dhunë ndaj bashkëshortes së djalit të saj.
Siç mëson Sinjali, rasti është raportuar rreth orës 07:00 në rrugën “Sala dhe Hamit Jashari”, ku nusja, rreth 31-vjeçare ka kërkuar ndihmë mjekësore në QKMF si pasojë e dhunës që dyshohet se u ushtrua ndaj saj nga vjehrra, rreth 66-vjeçare.
Burimet e Sinjalit bëjnë me dije se pas një përplasjeje fizike, të dyja kanë pësuar lëndime trupore dhe janë trajtuar fillimisht në QKMF, e më pas janë dërguar në Spitalin Rajonal në Mitrovicë për trajtim të mëtejshëm.
Pas trajtimit mjekësor, të dyja janë shoqëruar në Stacionin Policor në Skenderaj, ku janë intervistuar lidhur me rrethanat e ngjarjes. Hetimet e para tregojnë se përplasja ka ndodhur për shkak të një mosmarrëveshjeje të mëhershme familjare.
Lidhur me rastin, Prokurori ka urdhëruar që të iniciohet si “Lëndim i lehtë trupor”.
Pas incidentit, sipas burimeve të Sinjalit, vjehrra dhe bashkëshorti i saj janë larguar nga banesa në Skenderaj dhe janë shpërngulur në fshatin Aqarevë, ndërsa nusja ka mbetur në banesë së bashku me bashkëshortin dhe dy fëmijët e saj.
! function(f, b, e, v, n, t, s) {
if (f.fbq) return;
n = f.fbq = function() {
n.callMethod ?
n.callMethod.apply(n, arguments) : n.queue.push(arguments)
};
if (!f._fbq) f._fbq = n;
n.push = n;
n.loaded = !0;
n.version = ‘2.0’;
n.queue = [];
t = b.createElement(e);
t.async = !0;
t.src = v;
s = b.getElementsByTagName(e)[0];
s.parentNode.insertBefore(t, s)
}(window, document, ‘script’,
‘https://connect.facebook.net/en_US/fbevents.js’);
fbq(‘init’, ‘518751155614285’);
fbq(‘track’, ‘PageView’);
