Një 68-vjeçar nga Mitrovica është sulmuar nga qentë endacakë mëngjesin e së martës mbi urën e Ibrit.
Abdylkader Klisurica, i cili u kafshua në disa pjesë të trupit, tha për Klan Kosova se ishin rreth tetë qen endacakë që e sulmuan papritur, duke i shkaktuar nëntë plagë.
Në ndihmë të tij kanë ndërhyrë forcat e rendit, të cilat e kanë transportuar menjëherë në spital për trajtim. “Gjendja ime tani është e mirë, por jam i tronditur nga ajo që më ndodhi”, tha Klisurica për Klan Kosovën.
Ngjarja ka ndodhur rreth orës 08:45 të mëngjesit të së martës. /Klankosova.tv
The post 68-vjeçari kafshohet nga qentë mbi Urën e Ibrit, ia shkaktojnë nëntë plagë appeared first on Klan Kosova.
