Zëvendëssekretarja e Përgjithshme e NATO-s, Radmila Shekerinska, ka ritheksuar se angazhimi i Aleancës për sigurinë dhe stabilitetin në Kosovo mbetet i palëkundur.
Në një intervistë për RTK, Shekerinska tha se NATO vlerëson bashkëpunimin me institucionet e sigurisë në Kosovë dhe se ky bashkëpunim ka ndihmuar në ndërtimin e kapaciteteve, njohurive dhe ekspertizës vendore.
Ajo theksoi se Ballkani Perëndimor ka rëndësi strategjike për NATO-n dhe se aleatët mbeten të fokusuar në ruajtjen e stabilitetit në rajon.
Duke folur për misionin e KFOR-it, Shekerinska kujtoi se pas incidenteve të vitit 2023, NATO rriti praninë e saj në Kosovë. Sipas saj, përmirësimi i situatës së sigurisë ka bërë të mundur optimizimin e pranisë së trupave, pa ndryshuar angazhimin e Aleancës ndaj misionit.
“Angazhimi ynë ndaj KFOR-it mbetet i palëkundur”, deklaroi ajo.
Shekerinska nënvizoi se NATO do të vazhdojë të mbështesë Kosovën, por theksoi se aleatët presin gjithashtu rezultate konkrete nga dialogu ndërmjet Prishtinës dhe Beogradit, i ndërmjetësuar nga Bashkimi Evropian.
Sipas saj, vetëm përmes dialogut dhe zgjidhjes së çështjeve të hapura mund të sigurohen paqja afatgjatë, siguria dhe prosperiteti në rajon.
Ndërkohë, edhe Sekretari i Përgjithshëm i NATO-s, Mark Rutte, ka deklaruar se Kosova mbetet një partner i rëndësishëm për Aleancën, duke vlerësuar pozitivisht përmirësimin e situatës së sigurisë në vend.
Sinjali – aty ku e vërteta flet para lajmit!
! function(f, b, e, v, n, t, s) {
if (f.fbq) return;
n = f.fbq = function() {
n.callMethod ?
n.callMethod.apply(n, arguments) : n.queue.push(arguments)
};
if (!f._fbq) f._fbq = n;
n.push = n;
n.loaded = !0;
n.version = ‘2.0’;
n.queue = [];
t = b.createElement(e);
t.async = !0;
t.src = v;
s = b.getElementsByTagName(e)[0];
s.parentNode.insertBefore(t, s)
}(window, document, ‘script’,
‘https://connect.facebook.net/en_US/fbevents.js’);
fbq(‘init’, ‘518751155614285’);
fbq(‘track’, ‘PageView’);
