Mesfushori anglez, Jude Bellingham vazhdon të shkruajë histori në futbollin evropian. Në moshën vetëm 22-vjeçare, ai është bërë lojtari i parë evropian që merr pjesë në katër turne madhorë ndërkombëtarë para se të mbushë 23 vjeç.
Ylli i Anglisë ka arritur gjithashtu të lërë gjurmë në shumicën e këtyre kompeticioneve, duke shënuar gola në tre prej katër turneve madhorë ku ka marrë pjesë deri më tani. Bellingham realizoi në Kupën e botës 2022, më pas shënoi dy herë në Euro 2024 dhe ka gjetur rrugën e rrjetës edhe në Kupën e botës 2026.
Ky rekord është një tjetër dëshmi e talentit dhe vazhdimësisë së jashtëzakonshme të Bellinghamit, i cili konsiderohet si një nga liderët e brezit të ri të futbollit botëror dhe një prej lojtarëve më të rëndësishëm të kombëtares angleze./Klankosova.tv
