Trajneri i Kombëtares së Francës, Didier Deschamps, i ka dalë në mbrojtje Kylian Mbappe, duke hedhur poshtë kritikat që e paraqesin kapitenin francez si një figurë me ndikim të tepruar brenda skuadrës.
Mbappe po zhvillon një Botëror të jashtëzakonshëm, duke shënuar shtatë gola në pesë ndeshje dhe duke udhëhequr Francën deri në çerekfinale, transmeton Klankosova.tv.
Goli i tij i fundit erdhi nga pika e bardhë në fitoren 1-0 ndaj Paraguait në 1/16-tën e finales.
Sulmuesi i Real Madridit ka arritur në 19 gola në historinë e Kupave të Botës, vetëm një më pak se Lionel Messi (20), me 11 prej tyre në fazat eliminatore.
Megjithatë, pavarësisht formës së lartë, ai ka qenë objekt kritikash për ndikimin e tij të supozuar në skuadër. Deschamps i hodhi poshtë këto pretendime, duke theksuar se Mbappe është një lider i pjekur dhe shembullor.
“Imazhi i tij publik nuk pasqyron realitetin. Kylian është i pjekur dhe përfaqëson grupin,” deklaroi Deschamps.
Mbappe ndërkohë ndan kreun e garës për “Këpucën e Artë” të Botërorit 2026 me Lionel Messin, me nga shtatë gola secili.
