Dy avionë luftarakë të Marinës Amerikane janë përplasur në ajër gjatë një shfaqjeje ajrore në Shtetet e Bashkuara të Amerikës, duke shkaktuar panik dhe ndërprerjen e menjëhershme të aktivitetit.
Sipas autoriteteve amerikane, katër anëtarët e ekuipazhit kanë arritur të hidhen në mënyrë të sigurt nga avionët EA-18G Growler para rrëzimit dhe ndodhen në gjendje të mirë shëndetësore.
Incidenti ndodhi gjatë demonstrimit ajror në eventin “Gunfighter Skies”, i cili po mbahej pranë Bazës Ajrore Mountain Home në Idaho.
Pamjet e publikuar nga Foxnews nga vendi i ngjarjes tregojnë momentet dramatike të përplasjes në ajër, ndërsa menjëherë pas rrëzimit shpërtheu edhe një zjarr i madh.
View this post on Instagram
Për shkak të incidentit, baza ajrore u mbyll përkohësisht dhe organizatorët vendosën të anulojnë pjesën e mbetur të shfaqjes ajrore.
Avionët EA-18G Growler konsiderohen ndër më të avancuarit në flotën amerikane, me një vlerë prej rreth 67 milionë dollarësh secili.
