Ushtria e Filipineve të martën fajësoi Kinën për përplasjen e dy anijeve të marinës dhe rojës bregdetare kineze, ndërsa po përpiqeshin të largonin rojen bregdetare dhe peshkatarët filipinas nga një shkëmb i kontestuar në Detin e Kinës Jugore. Ushtria tha se do të vlerësojë se si të përgjigjet ndaj përdorimit të forcës ushtarake nga Pekini kundër civilëve.
Autoritetet filipinase thanë se përplasja aksidentale e së hënës shkaktoi dëme të dukshme të rënda në anijet e rojës bregdetare, si dhe dëmtime të mundshme fizike.
Përplasja pranë Shkëmbit Scarborough ishte përshkallëzimi më i fundit i tensioneve të gjata territoriale në ujërat e kontestuara, një pikë e nxehtë që prej kohësh ndërmjet dy vendeve, raporton AP.
Shtetet e Bashkuara, një aleat i hershëm me traktat i Filipineve, të martën dënuan “veprimin e fundit të pamatur të Kinës të drejtuar kundër një anijeje filipinase.”
Roja bregdetare kineze të hënën fajësoi anijet filipinase për përplasjen dhe tha se ishte e detyruar t’i dëbonte ato pasi kishin hyrë në “territorin e trashëguar të Kinës,” pavarësisht paralajmërimeve. Kina nuk përmendi përplasjen apo dëmtimet e mundshme.
