Manchester United fut në radar Rafael Leaon, por portugezi nuk është prioriteti kryesor i klubit
Manchester United po vazhdon përgatitjet për një merkato intensive verore, me drejtuesit e klubit që tashmë kanë identifikuar disa emra për të përforcuar repartin ofensiv para sezonit të ri.
Sipas Skysports, ylli i AC Milanit, Rafael Leao, është një nga futbollistët që po monitorohet nga “Djajtë e Kuq”, teksa klubi anglez po shqyrton alternativa të ndryshme për krahët e sulmit, transmeton Klankosova.tv.
Ylli portugez ndodhet në listën e ngushtë të objektivave të Manchester Unitedit, megjithatë ai nuk konsiderohet aktualisht si objektivi kryesor për afatin kalimtar të verës.
Situata e Leaos te Milani ka tërhequr vëmendjen e disa klubeve të mëdha evropiane, veçanërisht pas dështimit të skuadrës italiane për të siguruar pjesëmarrjen në UEFA Champions League për sezonin e ardhshëm.
Mungesa në elitën e futbollit evropian pritet të ndikojë ndjeshëm në strategjinë financiare të Milanit, me drejtuesit e klubit që nuk përjashtojnë mundësinë e shitjes së disa prej yjeve të skuadrës për të balancuar financat dhe për të rindërtuar ekipin.
Në këtë situatë, Rafael Leao mund të largohet nga “San Siro” për një shumë më të ulët sesa ajo që është përfolur në vitet e fundit, gjë që ka shtuar interesimin e klubeve të Premier League dhe kampionateve të tjera evropiane.
Merkatoja verore pritet të jetë vendimtare për planet afatgjata të Manchester Unitedit, ndërsa emri i Rafael Leaos mbetet një nga opsionet që po shqyrtohen seriozisht nga drejtuesit e klubit anglez.
