President i Këshillit Evropian, Antonio Costa, i ka dalë në krah presidentit ukrainas, Volodymyr Zelenskyt, pas takimit me tone të larta që ky i fundit e pati me presidentin amerikan, Donald Trump.
Costa i tha Zelenskyt se dinjiteti i tij e nderon trimërinë e popullit ukrainas dhe se nuk do të jetë kurrë vetëm.
“Dinjiteti juaj nderon trimërinë e popullit ukrainas. Ji i fortë, trim, ji i patrembur. Nuk je kurrë vetëm, i nderuar president Zelensky”.
“Ne do të vazhdojmë të punojmë me ju për një paqe të drejtë dhe të qëndrueshme”, shkroi Costa në “X”, transmeton Klankosova.tv.
Pas bisedës me tone të ashpra që Zelensky e pati me Trumpin, ky i fundit ka urdhëruar që presidenti ukrainas të largohet nga Shtëpia e Bardhë.
The post Presidenti i Këshillit Evropian, Zelenskyt: Ji i fort, trim, i patrembur – nuk je kurrë vetëm appeared first on Klan Kosova.
