Në mbledhjen e sotme të qeverisë, Irfan Lipovica është emëruar drejtor në Drejtorinë e Përgjithshme të Akreditimit në ministrinë e Industrisë, Ndërmarrësisë dhe Tregtisë.
Lipovica, së bashku me Ridvan Muharremin dhe një zyrtar tjetër nga MINT-i qenë arrestuar nën dyshimin për keqpërdorime me rezervat shtetërore.
Sipas Prokurorisë, Lipovica kishte vepruar me dijeni të plotë duke anashkaluar procedurat e hapura të prokurimit publik për blerjen e rezervave shtetërore, në kundërshtim me legjislacionin në fuqi.
Në dosjen e Prokurorisë thuhej se më 25 shkurt të vitit 2022, Lipovica i kishte adresuar Qeverisë së Kosovës një kërkesë për përjashtimin e procedurave të rregullta të Prokurimit dhe klasifikimin e kësaj procedure si “sekrete”, me qëllim kufizimin e konkurrencës dhe fshehjen e shkeljeve ligjore.
Bazuar në këtë kërkesë të kundërligjshme, Qeveria e Kosovës kishte nxjerrë një vendim për formimin e Komisionit për Negocimin e Kontratave për furnizimin me mallra të rezervës shtetërore për vitin 2022.
Ky vendim, sipas Prokurorisë, kishte anashkaluar procedurat e hapura të Prokurimit publik.
Rozeta Hajdari po intervistohet në Prokurorinë Speciale për rezervat shtetërore
The post Qeveria emëron drejtor në MINT të dyshuarin për rastin me rezerva shtetërore appeared first on Klan Kosova.
