Kryetari i Lidhjes Demokratike të Kosovës, Lumir Abdixhiku, ka reaguar ndaj thirrjeve për zgjedhje të brendshme në parti pas rezultatit të zgjedhjeve të 7 qershorit, ku LDK-ja u rendit e treta me 18 mandate.
Kërkesat për zgjedhje brenda partisë janë bërë nga ish-nënkryetari i LDK-së, Agim Veliu, si dhe deputeti i zgjedhur Arben Gashi.
Përmes një postimi në Facebook, Abdixhiku ka shprehur besimin e tij te strukturat e LDK-së, duke vlerësuar se ato janë të vetëdijshme për rolin dhe angazhimin e tyre politik dhe nuk ndikohen nga, siç e cilësoi ai, propaganda kundër partisë apo nga qëndrimet e figurave që veprojnë sipas interesave momentale politike.
Ai ka theksuar se anëtarësia dhe strukturat e LDK-së e njohin punën dhe kontributin e tyre, nuk lejojnë që angazhimi i tyre të shpërfillet dhe mbeten mirënjohëse për mbështetjen e marrë.
“Strukturat e LDK-së janë të mençura, të pjekura dhe, mbi të gjitha, të qarta. Nuk bien pre e propagandës anti LDK tashmë të zakonshme e bajate; e as nuk ngatërrohen në identifikimin e oportunistëve politik, po aq të zakonshëm e të parashikueshëm. E dinë mirë çfarë përfaqësojnë dhe për çfarë angazhohen. Mbi të gjitha, nuk lejojnë që mundi e puna e tyre e përditshme të shpërdorohen e rezultatet t’u injorohen. Janë falënderues. E kur ke njerëz të tillë pas vetes, është e lehtë t’i përfaqësosh me dinjitet e respekt. Në Shtime, në një tjetër takim falënderimi me strukturat tona. Sa i qartë është mesazhi nga këto takime”, ka shkruar Abdixhiku në Facebook.
Sinjali – aty ku e vërteta flet para lajmit!
! function(f, b, e, v, n, t, s) {
if (f.fbq) return;
n = f.fbq = function() {
n.callMethod ?
n.callMethod.apply(n, arguments) : n.queue.push(arguments)
};
if (!f._fbq) f._fbq = n;
n.push = n;
n.loaded = !0;
n.version = ‘2.0’;
n.queue = [];
t = b.createElement(e);
t.async = !0;
t.src = v;
s = b.getElementsByTagName(e)[0];
s.parentNode.insertBefore(t, s)
}(window, document, ‘script’,
‘https://connect.facebook.net/en_US/fbevents.js’);
fbq(‘init’, ‘518751155614285’);
fbq(‘track’, ‘PageView’);
