US Open do të jetë një turne shumë i rëndësishëm për Carlos Alcaraz.
Nëse fiton në “Flushing Meadows”, ylli spanjoll do të rikthehet numri një në botë, duke e zbritur pikërisht Sinnerin, transmeton klankosova.tv.
”Respekti që kemi për njëri-tjetrin dhe marrëdhënia jonë e shkëlqyer jashtë fushës e bëjnë rivalitetin tonë special, dhe këtë publiku e ndien”, tha Alcaraz.
”Sa herë që luajmë, e çojmë nivelin në maksimum. Është e rrallë të gjesh një ekuilibër kaq të fortë mes miqësisë dhe rivalitetit. Jannik ka fituar tre Grand Slam-et e fundit në terren të fortë, ka një nivel të jashtëzakonshëm. Shpresoj ta përballem me të në finale”, përfundoi Alcaraz.
Në vitin 2025 Alcaraz dhe Sinner janë takuar ne 4 finale, tenisti spanjoll fitoi trofetë në Romë dhe sëfundmi në Cincinnati teksa në mes është edhe triumfi në French Open me përmbysje epike.
Sinner, ndërkohë doli fitimtar nga finalja e Wimbledonit.
The post Alcaraz, sytë nga numri 1, spanjolli kërkon tjetër finale me Sinnerin në US Open appeared first on Klan Kosova.