Një shtetas i Kosovës është arrestuar nga autoritetet serbe në pikëkalimin kufitar të Mutivodës, nën dyshimet për përfshirje në krime lufte, raporton Gazeta Sinjali.
Bëhet fjalë për Osman Selmanin, i cili sipas familjarëve të tij, u ndalua nga policia serbe derisa po kthehej në vendlindje.
Familjarët kanë bërë të ditur se Selmani ndodhet në Prokurorinë për Krime Lufte në Beograd, ndërsa i kanë cilësuar si të pabazuara dhe të pavërteta akuzat e ngritura nga Prokuroria e Serbisë.
“Ne besojmë në pafajësinë e tij dhe do të qëndrojmë pranë tij deri në zbardhjen e plotë të së vërtetës. Kemi besim se drejtësia do të mbizotërojë dhe e vërteta do të dalë në pah. Ju falënderojmë nga zemra për çdo mbështetje, lutje dhe fjalë inkurajuese në këto momente të vështira për familjen tonë”, thuhet në njoftimin e familjarëve të tij.
Ndërkohë, Ministria e Punëve të Brendshme e Serbisë ka konfirmuar arrestimin e një personi në pikëkalimin kufitar të Mutivodës, që lidh Kosovën me Serbinë, nën dyshimet për krime lufte.
“Ekzistojnë dyshime të bazuara se më 14.06.1999, në vendin Sofali, Prishtinë, në bashkëkryerje me disa pjesëtarë të UÇK-së, me armë të ftohta dhe armë zjarri, në mënyrë mizore dhe tinëzare, ua ka marrë jetën civilëve të nacionalitetit serb, çiftit bashkëshortor Vlladimir dhe Persa Stanisavljeviq”, thuhet në njoftimin e MPB-së serbe.
Sipas autoriteteve serbe, ndaj O.S., i lindur më 1953, Gjykata e Lartë në Beograd ka caktuar masën e paraburgimit prej 30 ditësh.
Në njoftimin e MPB-së serbe nuk është bërë e ditur në mënyrë të qartë nëse i dyshuari ka qenë pjesë e Ushtrisë Çlirimtare të Kosovës.
Sinjali – aty ku e vërteta flet para lajmit!
! function(f, b, e, v, n, t, s) {
if (f.fbq) return;
n = f.fbq = function() {
n.callMethod ?
n.callMethod.apply(n, arguments) : n.queue.push(arguments)
};
if (!f._fbq) f._fbq = n;
n.push = n;
n.loaded = !0;
n.version = ‘2.0’;
n.queue = [];
t = b.createElement(e);
t.async = !0;
t.src = v;
s = b.getElementsByTagName(e)[0];
s.parentNode.insertBefore(t, s)
}(window, document, ‘script’,
‘https://connect.facebook.net/en_US/fbevents.js’);
fbq(‘init’, ‘518751155614285’);
fbq(‘track’, ‘PageView’);
