Një aksident tragjik ka ndodhur sot në fshatin Gremnik të Klinës, ku një person ka humbur jetën pasi është rrokullisur me traktor.
Viktima është Ardian Kalludra, 42-vjeçar, i cili ka ndërruar jetë si pasojë e lëndimeve të rënda të marra në aksident, raporton Klankosova.tv.
Lajmin për vdekjen e tij e ka konfirmuar zëdhënësi i Policisë për rajonin e Pejës, Fadil Gashi, i cili ka bërë të ditur se rasti është raportuar rreth orës 14:55.
Sipas policisë, viktima ka humbur kontrollin gjatë drejtimit të traktorit, duke u rrokullisur dhe duke pësuar lëndime të rënda. Mjeku kujdestar ka konstatuar vdekjen e tij në vendin e ngjarjes.
“Në vendin e ngjarjes kanë dalë të gjitha njësitë kompetente, përfshirë edhe mjekësinë ligjore. Me urdhër të prokurorit, trupi i pajetë është dërguar për obduksion”, ka deklaruar Gashi.
