Organizata e Veteranëve të Luftës së Ushtrisë Çlirimtare të Kosovës (OVL-UÇK) ka organizuar sot protestë në Strasbourg, para Asamblesë Parlamentare të Këshillit të Evropës, duke kërkuar lirimin e ish-krerëve të Ushtrisë Çlirimtare të Kosovës.
Kryetari i kësaj organizate, Hysni Gucati sonte në emisionin “Info Magazine” në Klan Kosova tha se protesta ka shkuar shumë mirë.
Duke i falënderuar të gjithë për pjesëmarrjen, ai tha se masa në këtë organizim ishte e kënaqshme.
“Ka qenë një protestë bash ashtu siç e kemi menduar ne, masa ka qenë e kënaqshme, unë dua t’i falënderoj edhe njëherë qytetarët e gjithë viseve të Kosovës, Shqipërisë, Maqedonisë, Malit të Zi që sot zbarkuan në Strasbourg”, u shpreh ai./Klankosova.tv
The post Gucati për protestën në Strasbourg: Pikërisht ashtu siç e menduan, masa ishte e kënaqshme (VIDEO) appeared first on Klan Kosova.
