Ish-ambasadori amerikan në Kosovë, Jeff Hovenier, në një intervistë për Rubikon në Klan Kosova tha se Kosovës i duhet presidenti, kryeministri dhe qeveria që të punojnë në drejtim të njëjtë dhe të vazhdojnë tutje.
Ai poashtu foli se çka do të ndodhë nëse Kosova do të refuzojë projektin e gazsjellësit amerikan.
“Administrata e Trumpit është dëshmuar si transaksionale. Nëse jeni të gatshëm të bëni marrëveshje, bëni; nëse jo, nuk jeni të interesuar. Nëse Kosova nuk i përgjigjet ofertës së administratës së Trumpit për LNG, atëherë administrata e Trumpit do të humbë edhe më shumë interes për Kosovën, që Kosova të zhvendoset nga një shtet me nevoja në një normalitet të përgjithshëm është një arritje shumë e madhe dhe derisa të gjitha shtetet përqendrohen në Ukrainë, Iran, Gaza e tjerë, është një testament i punës që është bërë për të stabilizuar Kosovën në 25 vitet e fundit, por duke qenë një shtet më normal”.
“Ju konkurroni për vëmendje në bazë të meritave jo të emergjencës dhe duhet të mbani këtë vazhdimësi në bazë të meritave dhe në bazë të programeve normale. Ju duhet të jeni neto prodhues i sigurisë dhe stabilitetit. Duhet të jeni një aset në portofolin strategjik për ShBA-në dhe parterët e tjerë e jo të jeni një që kërkoni menaxhim dhe sjellë kokëdhimbje. Pra është një dallim këtu”, ka thënë Hovenier.
