Ish-sulmuesi suedez 44-vjeçar, Zlatan Ibrahimoviq, komentoi fitoren mahnitëse 1-0 të Afrikës së Jugut ndaj Koresë së Jugut në ndeshjen e fundit të fazës së grupeve të Kupës së Botës.
Ibrahimovic beson se Bafana Bafana mund të shkojë larg në këtë Kupë Bote:
“Mendoj se ky është një sinjal për FIFA-n: ata duhet të ftojnë më shumë kombe afrikane në Kupën e Botës. Edhe Nigeria duhet të jetë këtu. Futbolli afrikan është diçka e veçantë. Ata nuk bëjnë pasime të panevojshme. Sapo marrin topin, shkojnë direkt në sulm. Ky është lloji i futbollit që na duhet.”
Futbolli evropian është i mërzitshëm, me shumë pasime prapa dhe shumë taktika. Maroku dhe Afrika e Jugut kanë kaluar në raundin tjetër. Maroku është skuadra më e mirë afrikane kur bëhet fjalë për kontrollin e topit. Afrika e Jugut është më e mira në kundërsulme. Mendoj se një skuadër afrikane do të arrijë në gjysmëfinale këtë vit.
“Jam i lumtur për ta, e kanë merituar. Afrika meriton të jetë më e mira. Mbappé duhet të kishte luajtur për Kamerunin, Olise për Nigerinë dhe e njëjta gjë vlen edhe për Vinin. I uroj të gjithë kontinentit afrikan suksese në këtë turne”, tha Ibrahimovic.
Duke mposhtur Korenë e Jugut, skuadra kombëtare e Afrikës së Jugut ka arritur në fazën eliminatore të Kupës së Botës për herë të parë në historinë e saj. /Klankosova.tv
