Kryetari i Organizatës së Veteranëve të Luftës së UÇK-së (OVL-UÇK), Hysni Gucati, ka deklaruar se pas dy muajsh Gjykata Speciale në Hagë pritet të marrë vendimin e saj, i cili sipas tij mund të ketë pasoja të mëdha për Kosovën.
Gucati ka thënë se kjo gjykatë, prej gati gjashtë vjetësh, sipas tij, po u shërben interesave të Serbisë dhe se me vendimin e saj do të përcaktojë nëse do të kriminalizohet lufta e popullit shqiptar, ndërhyrja e NATO-s dhe shpallja e pavarësisë së Kosovës.
Në reagimin e tij, ai është shprehur se në Hagë po gjykohen personat që, sipas tij, organizuan rezistencën e popullit shqiptar.
Postimi i plotë:
Sot, pas dy muajsh, Gjykata Speciale në Hagë, e cila prej gati gjashtë vjetësh po u shërben interesave të Serbisë, do të vendosë nëse do ta kriminalizojë luftën e popullit tonë, ndërhyrjen e NATO-s dhe shpalljen e pavarësisë së Kosovës.
Kjo gjykatë njëetnike po vendos për fatin e shtetit tonë shumetnik dhe, me vendimin e saj, mund t’i rrënojë edhe themelet e shumetnicitetit mbi të cilin është ndërtuar Kosova.
Atje po gjykohen ata që organizuan rezistencën tonë. Po gjykohen ata që, me nënshkrimin e Marrëveshjes së Rambujesë, sollën intervenimin e NATO-s dhe koordinuan bombardimin e caqeve serbe. Po gjykohen ata që e shpallën Kosovën shtet të pavarur, shumetnik dhe demokratik.
Kjo gjykatë është politike. Edhe vendimi i saj do të jetë politik. Bashkësia ndërkombëtare duhet të jetë e vetëdijshme për pasojat e këtij vendimi.
Më 16 shtator, veteranët e UÇK-së, së bashku me çdo shqiptar, do ta presin këtë vendim të bashkuar, në Hagë dhe në çdo qytet të Kosovës.
Sinjali – aty ku e vërteta flet para lajmit!
! function(f, b, e, v, n, t, s) {
if (f.fbq) return;
n = f.fbq = function() {
n.callMethod ?
n.callMethod.apply(n, arguments) : n.queue.push(arguments)
};
if (!f._fbq) f._fbq = n;
n.push = n;
n.loaded = !0;
n.version = ‘2.0’;
n.queue = [];
t = b.createElement(e);
t.async = !0;
t.src = v;
s = b.getElementsByTagName(e)[0];
s.parentNode.insertBefore(t, s)
}(window, document, ‘script’,
‘https://connect.facebook.net/en_US/fbevents.js’);
fbq(‘init’, ‘518751155614285’);
fbq(‘track’, ‘PageView’);
