Arsenal është në telashe para finalës së madhe të Champions League ndaj Paris Saint-Germain.
Mbrojtësi Ben White si pasojë e një lëndimi pritet të jetë mungesa e madhe e skuadrës angleze në finale.
Sipas GOAL, White dyshohet se ka pësuar një dëmtim në ligament, lëndim ky e cila e vë në pikëpyetje edhe paraqitjen e tij me Kombëtaren e Anglisë në Kampionatin Botëror, transmeton Klankosova.tv.
28-vjeçari u pa duke lënë “London Stadium” me mbajtëse në gju pas fitores minimale 1-0 të Arsenalit ndaj West Ham United të dielën, duke shtuar menjëherë shqetësimet në kampin londinez.
Klubi londinez ka konfirmuar përmes një njoftimi zyrtar se White do ta humbasë pjesën e mbetur të sezonit, ndërsa stafi mjekësor shpreson që ai të rikuperohet në kohë për fazën përgatitore para sezonit të ri.
Paraqitjet e tij të fundit kishin rritur gjasat për një ftesë nga trajneri Thomas Tuchel për pjesëmarrjen në Kampionatin Botëror, por dëmtimi aktual tani ka vënë seriozisht në pikëpyetje pjesëmarrjen e tij.
