Real Madridi e ka mposhtur Mallorcën me rezultat 2:1 në “Santiago Bernabeu”.
Mysafirët e nisën mirë ndeshjen, pasi sulmuesi i Kosovës, Vedat Muriqi arriti të realizonte gol të rrallë, me shpinë, për t’ia dhënë epërsinë fillestare Mallorcës në minutën e 18-të.
Reali s’u dorëzua në pjesën e parë, ku në minutën e 37-të, talenti turk, Arda Guler, barazoi shifrat në 1-1.
Ndërsa, vetëm një minutë më vonë, “Los Blancos” kaluan në epërsi pas golit të Vinicius Junior, njofton Klankosova.tv.
Në pjesën e parë, Mbappe shënoi edhe një herë por që u bë goli i dytë i anuluar brenda 45 minutave.
Ndërsa, në pjesën e dytë, Reali shënoi edhe një herë me anë të Gulerit, por që goli u anulua sërish, këtë herë për prekje me dorë.
Aktualisht, Reali gjendet në pozitën e parë me nëntë pikë, ndërsa Mallorca në vendin e 18-të me një pikë.
The post Mallorcës s’i mjafton goli i Muriqit, Reali fiton në “Bernabeu” appeared first on Klan Kosova.