Ka kaluar një muaj nga zgjedhjet e parakohshme parlamentare të 7 qershorit, por procesi zgjedhor në Kosovë ende nuk ka përfunduar, pasi rezultatet nuk janë certifikuar për shkak të ankesave që vazhdojnë të shqyrtohen nga institucionet kompetente.
Certifikimi i rezultateve nga Komisioni Qendror i Zgjedhjeve konsiderohet hapi i fundit i procesit zgjedhor dhe do t’i hapë rrugë konstituimit të Kuvendit të ri, si dhe nisjes së procedurave për formimin e Qeverisë.
Në pritje të këtij momenti, subjektet politike kanë vazhduar me deklarata për skenarët e mundshëm pas certifikimit. Lëvizja Vetëvendosje ka shprehur bindjen se do të sigurojë shumicën parlamentare për krijimin e ekzekutivit të ri, ndërsa partitë opozitare kanë bërë të ditur se do të presin përfundimin zyrtar të procesit zgjedhor para se të vendosin për hapat e tyre politikë.
Analistët vlerësojnë se sfida kryesore nuk do të jetë vetëm certifikimi i rezultateve, por edhe sigurimi i votave të nevojshme për ndërtimin e institucioneve të reja. Formimi i Qeverisë kërkon shumicë të thjeshtë në Kuvend, ndërsa zgjedhja e presidentit do të kërkojë një konsensus më të gjerë politik.
Sipas rezultateve përfundimtare të shpallura nga KQZ-ja, Lëvizja Vetëvendosje ka dalë forca e parë me 47.13 për qind të votave, duke siguruar 53 ulëse në Kuvend. Pas saj renditen PDK-ja me 22 mandate, LDK-ja me 18 dhe Aleanca me 7 mandate.
Vetëm pas certifikimit të rezultateve do të nisin afatet kushtetuese për konstituimin e Kuvendit dhe krijimin e institucioneve të reja të vendit.
Sinjali – aty ku e vërteta flet para lajmit!
! function(f, b, e, v, n, t, s) {
if (f.fbq) return;
n = f.fbq = function() {
n.callMethod ?
n.callMethod.apply(n, arguments) : n.queue.push(arguments)
};
if (!f._fbq) f._fbq = n;
n.push = n;
n.loaded = !0;
n.version = ‘2.0’;
n.queue = [];
t = b.createElement(e);
t.async = !0;
t.src = v;
s = b.getElementsByTagName(e)[0];
s.parentNode.insertBefore(t, s)
}(window, document, ‘script’,
‘https://connect.facebook.net/en_US/fbevents.js’);
fbq(‘init’, ‘518751155614285’);
fbq(‘track’, ‘PageView’);