Presidentja e Kosovës, Vjosa Osmani, ka shprehur ngushëllime të sinqerta për vdekjen e Papa Françeskut, duke e cilësuar atë si një udhëheqës shpirtëror të paqes, të varfërve dhe të dialogut ndërfetar, raporton Gazeta Sinjali.
Në një postim në “Facebook”, Osmani e kujtoi Papa Françeskun për përulësinë, mençurinë dhe dashurinë e tij të pakufishme, si dhe për ndikimin e tij të madh në botë.
“Do të vij në Kosovë”, ishte premtimi i Papa Françeskut gjatë audiencës që kisha me të në Selinë e Shenjtë, duke treguar sa shumë dashuri kishte për vendet më të vogla, sidomos për popullin e përvuajtur të Kosovës. Këtë vizitë, fatkeqësisht nuk arriti ta realizojë, sepse Shenjtëria e Tij, Papa Françesku kaloi në amshim, por do të kujtohet si një udhëheqës shpirtëror që me përulësinë, mençurinë dhe dashurinë e tij të pakufishme i dha botës një shembull të rrallë njerëzie dhe shërbimi”, ka shkruar Osmani.
Presidentja Osmani, duke iu drejtuar besimtarëve katolikë dhe qytetarëve të Kosovës, e cilësoi Papa Françeskun si një zë të fuqishëm që u dha shpresë të pafajshmëve dhe u angazhua për një botë më të drejtë. Ajo theksoi se populli i Kosovës do të jetë gjithmonë mirënjohës për fjalët e tij të ngrohta dhe kujdesin që ai ka treguar ndaj vendit.
Në përfundim, Presidentja Osmani i shprehu ngushëllime Kishës Katolike dhe mbarë njerëzimit për humbjen e një figure të shquar shpirtërore, duke uruar që shpirti i Papa Françeskut të prehet në paqe.
! function(f, b, e, v, n, t, s) {
if (f.fbq) return;
n = f.fbq = function() {
n.callMethod ?
n.callMethod.apply(n, arguments) : n.queue.push(arguments)
};
if (!f._fbq) f._fbq = n;
n.push = n;
n.loaded = !0;
n.version = ‘2.0’;
n.queue = [];
t = b.createElement(e);
t.async = !0;
t.src = v;
s = b.getElementsByTagName(e)[0];
s.parentNode.insertBefore(t, s)
}(window, document, ‘script’,
‘https://connect.facebook.net/en_US/fbevents.js’);
fbq(‘init’, ‘518751155614285’);
fbq(‘track’, ‘PageView’);
