Nga Siria njoftohet për përleshje të reja mes forcave qeveritare dhe atyre Kurde, të njohura si Forcat Demokratike të Sirisë apo SDF, të cilat kanë shpërthyer në Al-Shaddadi , në veri-lindjen e vendit, ku, forcat qeveritare dhe kurdët u përleshën rreth kontrollit të një burgu ku ende mbahet një numër i madh i luftëtarëve të ISIS dhe, dyja palët, fajësojnë njëra-tjetrën për shpërthimin e dhunës.
Përleshjet filluan një ditë pasi që qeveria në Damask dhe përfaqësuesit Kurd njoftuan se kanë arritur një marrëveshje të armëpushimit e cila do të duhet të ndalon dhunën disa javore mes dy palëve e cila ka krijuar rrezik nga shpërthimi i një lufte më të gjerë mes qeverisë në Damask dhe Kurdëve.
Marrëveshja e arritur mes tjerash, përfshinë integrimin e luftëtarëve Kurd të SDF-s brenda ushtrisë së rregullt siriane si dhe largimin e të gjithë anëtarëve të PKK-s, lëvizjes së Kurdëve Turq e cila me dekada lufton kundër Ankarasë nga territori sirian.
Në marrëveshje parashihet edhe transferi i kontrollit të rajoneve që janë nën kontrollin e SDF-s nën ombrellën qeveritare- shumë ekspertë thonë se pjesa më e madhe e tensioneve buron rreth këtyre çështjeve- gjatë luftës civile, Kurdët kanë arritur të marrin kontrollin e rajoneve ku janë shumicë dhe të vendosin institucione lokale të administratës dhe sigurisë.
Edhe pse qeveria e re në Damask ka ndërmarrë hapa për të përmirësuar pozitën e kurdëve- duke e pranuar gjuhën, për herë të parë, kurde si zyrtare dhe popullin si pakicë zyrtare- shumë kurd ende druajnë nga ajo që mund të ndodhë nëse kontrolli i plotë i kalohet qeverisë në Damask ku, sipas Kurdëve, ende ka mbetje të militantëve islamist të cilët i shohin kurdët si armiq.
Është bërë e ditur se presidenti sirian, Ahmed Al Shara dhe udhëheqësin e kurdëve sirian Mazloum Abdi për të diskutuar rreth zbatimit të marrëveshjes dhe gjetjes së mënyrave për shmangien e dhunës së mëtejme.
