Kanë dalë detaje të reja nga rasti i tentim-vrasjes me armë zjarri që ndodhi në orët e para të mëngjesit të së hënës në rrugën “Holger Petersen” në Prishtinë.
Burimet e Gazetës Sinjali bëjnë me dije se pas veprimeve intensive hetimore, Policia e Kosovës ka kryer kontroll në shtëpinë e të dyshuarit S.M., rreth 57vjeçar , i cili dyshohet se shtiu me armë në drejtim të F. V. rreth 27-vjeçar.
Gjatë bastisjes, hetuesit kanë gjetur dhe sekuestruar një armë zjarri, për të cilën dyshohet se është përdorur në rastin që po hetohet si “Vrasje në tentativë”.
Megjithatë, i dyshuari nuk është hasur në banesë. Sinjali mëson se ai është futur në kërkim policor dhe autoritetet po vazhdojnë përpjekjet për lokalizimin dhe arrestimin e tij.
Siç raportoi më herët Sinjali, ngjarja ndodhi rreth orës 01:25, kur u raportuan të shtëna me armë zjarri në kryeqytet. Pak minuta më vonë, viktima ishte ndaluar nga policia te Rrethi i Ismetit dhe kishte deklaruar se në drejtim të tij kishte shtënë S.M.
Sipas dëshmisë së tij, plumbi kishte depërtuar në xhamin e pasmë të veturës së tij. Gjatë ekzaminimit të automjetit, Policia kishte gjetur dhe sekuestruar një predhë, ndërsa në vendin e ngjarjes ishte sekuestruar edhe një gëzhojë.
Hetimet janë duke vazhduar nën udhëheqjen e Prokurorisë Themelore në Prishtinë – Departamenti për Krime të Rënda.
Një plumb që depërtoi në veturën e viktimës, një armë e gjetur nga Policia dhe një i dyshuar në arrati – këto janë zhvillimet e fundit nga rasti që po trajtohet si tentim-vrasje në kryeqytet.
Sinjali – aty ku e vërteta flet para lajmit!
! function(f, b, e, v, n, t, s) {
if (f.fbq) return;
n = f.fbq = function() {
n.callMethod ?
n.callMethod.apply(n, arguments) : n.queue.push(arguments)
};
if (!f._fbq) f._fbq = n;
n.push = n;
n.loaded = !0;
n.version = ‘2.0’;
n.queue = [];
t = b.createElement(e);
t.async = !0;
t.src = v;
s = b.getElementsByTagName(e)[0];
s.parentNode.insertBefore(t, s)
}(window, document, ‘script’,
‘https://connect.facebook.net/en_US/fbevents.js’);
fbq(‘init’, ‘518751155614285’);
fbq(‘track’, ‘PageView’);