Kosova dhe Bashkimi Evropian do të zhvillojnë sot mbledhjen inauguruese të Komitetit Monitorues për Instrumentin për Reforma dhe Rritje, në kuadër të bashkëpunimit për zbatimin e agjendës reformuese.
Sipas njoftimit të Zyrës për Komunikim Publik të Qeverisë së Kosovës, takimi është planifikuar të nisë në orën 09:00.
Ky mekanizëm është pjesë e Planit të Rritjes së Bashkimit Evropian për Ballkanin Perëndimor, i cili synon të përshpejtojë procesin e afrimit të vendeve të rajonit me strukturat evropiane dhe të nxisë zhvillimin ekonomik e institucional.
Përmes Instrumentit për Reforma dhe Rritje (RGF), vendet partnere përfitojnë mbështetje financiare të kushtëzuar me zbatimin e reformave të rëndësishme, të cilat pritet të kenë ndikim pozitiv si për qytetarët, ashtu edhe për komunitetin e biznesit.
Në rastin e Kosovës, Agjenda e Reformave përfshin masa konkrete dhe afate të përcaktuara në pesë fusha prioritare: administratën publike dhe menaxhimin e financave publike, tranzicionin e gjelbër dhe digjital, zhvillimin e sektorit privat dhe klimës së biznesit, kapitalin njerëzor dhe të drejtat themelore, si dhe forcimin e sundimit të ligjit.
06:39 / 17.06.2026
Mbahet takimi i parë i Komitetit Monitorues BE-Kosovë
A.Bela/RTKLive
Sot do të mbahet takimi i parë i Komitetit Monitorues BE–Kosovë për Instrumentin për Reforma dhe Rritje.
Zyra për Komunikim Publik e Qeverisë së Kosovës njofton se takimi fillon në orën 09:00.
Takimi do të zhvillohet në kuadër të Planit të Rritjes së Bashkimit Evropian për Ballkanin Perëndimor, një iniciativë kryesore që synon përshpejtimin e afrimit të rajonit me BE-në.
Si një nga shtyllat kryesore të këtij plani, Instrumenti për Reforma dhe Rritje (RGF) u ofron partnerëve të Ballkanit Perëndimor një kornizë për avancimin e rrugës së tyre drejt integrimit evropian përmes mbështetjes financiare të lidhur me zbatimin e reformave kyçe që sjellin përfitime konkrete për qytetarët dhe bizneset.
Në këtë kontekst, Agjenda e Reformave e Kosovës në kuadër të RGF-së përcakton një plan veprimi me afate të caktuara për zbatimin e reformave në pesë fusha kryesore: Reforma e Administratës Publike dhe Menaxhimi i Financave Publike, Tranzicioni i Gjelbër dhe Digjital, Zhvillimi i Sektorit Privat dhe Mjedisi i Biznesit, Kapitali Njerëzor dhe Të Drejtat Themelore dhe Sundimi i Ligjit.
“Komiteti Monitorues BE–Kosovë për RGF-në shërben si organi kryesor për dialog, mbikëqyrje dhe koordinim të zbatimit të këtij instrumenti në Kosovë. Qëllimet e Komitetit janë: të shqyrtojë progresin dhe gjendjen e përgjithshme të reformave dhe investimeve në kuadër të Agjendës së Reformave, në përputhje me objektivat e përcaktuara në këtë agjendë dhe në Rregulloren (BE) 2024/1449 për krijimin e Instrumentit për Reforma dhe Rritje për Ballkanin Perëndimor, të mbështesë transparencën, llogaridhënien dhe koordinimin efektiv ndërmjet të gjitha palëve të përfshira në zbatimin e RGF-së, të lehtësojë shkëmbimin e informacionit ndërmjet institucioneve të Kosovës, BE-së dhe akterëve të tjerë për të adresuar sfidat dhe për të optimizuar rezultatet dhe të promovojë përfshirjen gjithëpërfshirëse dhe ndërgjegjësimin mbi objektivat dhe zbatimin e Agjendës së Reformave dhe RGF-së”, njofton Zyra e Bashkimit Evropian në Kosovë.
! function(f, b, e, v, n, t, s) {
if (f.fbq) return;
n = f.fbq = function() {
n.callMethod ?
n.callMethod.apply(n, arguments) : n.queue.push(arguments)
};
if (!f._fbq) f._fbq = n;
n.push = n;
n.loaded = !0;
n.version = ‘2.0’;
n.queue = [];
t = b.createElement(e);
t.async = !0;
t.src = v;
s = b.getElementsByTagName(e)[0];
s.parentNode.insertBefore(t, s)
}(window, document, ‘script’,
‘https://connect.facebook.net/en_US/fbevents.js’);
fbq(‘init’, ‘518751155614285’);
fbq(‘track’, ‘PageView’);