Spanja eliminoi Francën në gjysmëfinale të Kupës së Botës. “Furia e Kuqe” mposhti “Gjelat” me rezultat 0-2 për të siguruar biletën për finalen e madhe, aty ku e pret fituesin e duelit, Argjentina-Anglia.
Mantho Prokopi i ftuar në emisionin “Ora 7” në Klan Kosova tha se Spanja arriti në finale pas një fitore të merituar ndaj Francës, transmeton klankosova.tv.
“Padiskutim, fitore e merituar e Spanjës. Franca vinte me emrin e favoritit absolut me emrin e skuadrës më të frikshme të mundshme në këtë Botëror, kishte shënuar në çdo takim të paktën dy gola, u përballë me Spanjën dhe për të thënë të vërtetën Spanja e bëri të dukej si një skuadër e vogël Francën. Çdo repart i Francës u kalua dhe u bë më mirë nga Spanja, ku për Spanjën shkëlqyen të tre reparetet, kurse për Francën lanë shumë për të dëshiruar sidomos për mendimin tim mbrojtja dhe mesfusha”, tha ai.
