Gjykata Supreme e Kosovës ka konfirmuar vendimin e Panelit Zgjedhor për Ankesa dhe Parashtresa (PZAP), duke refuzuar ankesën e Lëvizjes Vetëvendosje ndaj gjobës prej 6 mijë eurosh të shqiptuar gjatë fushatës për zgjedhjet e parakohshme të 7 qershorit.
Sanksioni ishte vendosur pas ankesave të paraqitura nga Instituti Demokratik i Kosovës (KDI), i cili kishte raportuar për pjesëmarrjen e të miturve në dy tubime zgjedhore të organizuara nga LVV në Podujevë dhe Lipjan.
Në vendimin e saj, Gjykata Supreme vlerësoi se dispozitat e Rregullores Zgjedhore janë zbatuar drejt nga PZAP dhe se përfshirja e të miturve në aktivitete politike bie ndesh me qëllimin e rregullave që synojnë mbrojtjen e fëmijëve nga ekspozimi në procese politike dhe zgjedhore.
LVV kishte argumentuar se rregullorja ndalon vetëm angazhimin aktiv të të miturve nga subjektet politike dhe jo praninë e tyre në aktivitete publike. Megjithatë, gjykata nuk e pranoi këtë interpretim, duke theksuar se mbrojtja e interesit më të mirë të fëmijës duhet të jetë parimi udhëheqës në raste të tilla.
Sipas arsyetimit të Supremes, përgjegjësia e subjektit politik nuk zbehet as kur të miturit marrin pjesë të shoqëruar nga prindërit apo me iniciativën e tyre.
Gjykata theksoi gjithashtu se gjatë përcaktimit të masës ndëshkuese janë marrë parasysh pesha e shkeljes, ndikimi i mundshëm në procesin zgjedhor dhe fakti që subjekti politik kishte qenë më parë i njoftuar për obligimet ligjore dhe ishte përballur me raste të ngjashme.
Me këtë vendim, gjoba prej 6 mijë eurosh ndaj Lëvizjes Vetëvendosje mbetet në fuqi dhe procedura gjyqësore konsiderohet e përfunduar.
Gjykata Supreme gjithashtu refuzoi ankesën e VV-së për lejimin e votimit me dokumente të skaduara.
Sinjali – aty ku e vërteta flet para lajmit!
! function(f, b, e, v, n, t, s) {
if (f.fbq) return;
n = f.fbq = function() {
n.callMethod ?
n.callMethod.apply(n, arguments) : n.queue.push(arguments)
};
if (!f._fbq) f._fbq = n;
n.push = n;
n.loaded = !0;
n.version = ‘2.0’;
n.queue = [];
t = b.createElement(e);
t.async = !0;
t.src = v;
s = b.getElementsByTagName(e)[0];
s.parentNode.insertBefore(t, s)
}(window, document, ‘script’,
‘https://connect.facebook.net/en_US/fbevents.js’);
fbq(‘init’, ‘518751155614285’);
fbq(‘track’, ‘PageView’);
