Të paktën 10 persona kanë humbur jetën dhe 25 të tjerë janë lënduar pasi shpërtheu një zjarr në një ndërtesë shumëkatëshe në Lagos, kryeqendrën tregtare të Nigerisë.
Pamjet e publikuara në rrjete sociale të treguan njerëz që hidhnin veten nga kati i tretë dhe i katërt i godinës shtatëkatëshe Afriland Towers, në momentin kur filloi zjarri, njofton BBC.
Viktimat ishin punëtorë komercialë të cilët mbetën të bllokuar brenda ndërtesës, e cila shfrytëzohet nga kompani dhe organizata të shumta në qytet.
Shumica e të mbijetuarve pësuan djegie dhe fraktura gjatë tentativave për t’u shpëtuar, ndërsa disa u përballën me probleme në frymëmarrje për shkak të thithjes së tymit. Autoritetet njoftuan se përhapja e shpejtë e tymit dhe mungesa e udhëzimeve të qarta për evakuim çuan në panik, duke i detyruar shumë persona të thyjnë dritaret dhe të hidhen, gjë që shkaktoi trauma të rënda.
