Një vrasje e trefishtë ka ndodhur së fundit në Neumark të Gjermanisë mëngjesin e kësaj të marte.
Forcat gjermane të rendit, kanë gjetur trupat e pajetë në një shtëpi në lagjen Schonbach, pasi një dëshmitar alarmoi policinë, transmeton klankosova.tv.
Sipas mediave gjermane, fëmijët ishin 5 dhe 2 vjeç e nga të dhënat e para, besohet se fillimisht babai ka vrarë dy fëmijët e tij para se t’i jepte fund edhe jetës së tij.
Këtë e kanë konfirmuar edhe autoritetet e policisë gjermane ku u tha se dy fëmijët ishin motër dhe vëlla.
Kryetari i Qarkut, Thomas Hennig (CDU), shprehu trishtimin e tij mbi rastin tragjik.
“Si baba, jam i shokuar nga një tragjedi e tillë. Mendimet e mia janë me ata që kanë mbetur pas dhe me njerëzit e prekur në lagjen Neumark.”
The post Babai vret dy fëmijët e tij të mitur dhe më pas vetveten në Neumark të Gjermanisë appeared first on Klan Kosova.
