Zyrtarët policorë shpeshherë janë cak i kërcënimeve serioze qoftë kur janë jashtë apo edhe gjatë detyrës zyrtare. Jo rrallëherë kanosjet verbale eskalojnë, duke ua vështirësuar kështu punën e madje duke ua kërcënuar edhe jetën, raporton Gazeta Sinjali.
Një incident serioz ka ndodhur mëngjesin e djeshëm në Aeroportin Ndërkombëtar të Prishtinës “Adem Jashari”, ku një person ka sulmuar fizikisht tre zyrtarë policorë dhe ka bërë kërcënime serioze ndaj tyre.
Burimet e Gazetës Sinjali brenda organeve të rendit bëjnë me dije se rasti ka ndodhur derisa i dyshuari nga Podujeva ishte në procedurë të kontrollit në zonën e X-ray-it, teksa po udhëtonte drejt Gjermanisë.
Sipas informacioneve, të cilat i ka Gazeta Sinjali, në momentin kur i ishte kërkuar kontrolli, ai ka filluar të kacafytet me zyrtarët e sigurisë. Situata ka dalë jashtë kontrollit, duke detyruar zyrtarët policorë të ndërhyjnë.
Në vend të qetësimit, i dyshuari ka eskaluar edhe më shumë – duke i sulmuar fizikisht tre policët dhe duke i kërcënuar me jetë, me fjalët: “Ku të ju shoh do t’ju vras, nuk jua harroj fytyrat!”
Si pasojë e sulmit, tre zyrtarët policorë kanë pësuar lëndime trupore dhe u janë dëmtuar uniformat policore.
Policia është merr menjëherë me rastin, ndërsa Prokurori i Shtetit ka urdhëruar ndalimin për 48 orë të të dyshuarit, për veprën penale “Sulm ndaj personit zyrtar”.
! function(f, b, e, v, n, t, s) {
if (f.fbq) return;
n = f.fbq = function() {
n.callMethod ?
n.callMethod.apply(n, arguments) : n.queue.push(arguments)
};
if (!f._fbq) f._fbq = n;
n.push = n;
n.loaded = !0;
n.version = ‘2.0’;
n.queue = [];
t = b.createElement(e);
t.async = !0;
t.src = v;
s = b.getElementsByTagName(e)[0];
s.parentNode.insertBefore(t, s)
}(window, document, ‘script’,
‘https://connect.facebook.net/en_US/fbevents.js’);
fbq(‘init’, ‘518751155614285’);
fbq(‘track’, ‘PageView’);
