Zbulimi i mjeteve të rrezikshme shpërthyese vazhdon të mbajë në ankth qytetarët në zona të ndryshme të vendit, ku trashëgimia e luftës po del në sipërfaqe gjatë punimeve të zakonshme. Një rast i tillë ka ndodhur të shtunën në fshatin Firaje të Gjakovës, ku gjatë punimeve në terren janë gjetur dy granata dore, duke alarmuar autoritetet dhe vënë në lëvizje Forcën e Sigurisë së Kosovës, raporton Gazeta Sinjali.
Siç mëson Sinjali, një 39-vjeçar, me inicialet B.G., teksa po punonte në terren me një punëtor tjetër, S.H., rreth 27-vjeçar, ka hasur në një shportë të dyshimtë gjatë punës në zonë.
Kur kanë tentuar ta hapin, kanë vërejtur se brenda saj ndodheshin dy mjete të ngjashme me granata dore, për të cilat dyshohet se i përkasin kategorisë A6 – mjete shpërthyese luftarake.
Menjëherë pas njoftimit, patrulla policore ka dalë në vendin e ngjarjes dhe ka konfirmuar gjetjen, duke marrë masat për sigurimin e perimetrit deri në ardhjen e njësive të specializuara të FSK-së, të cilat do të bëjnë tërheqjen dhe asgjësimin e sigurt të mjeteve.
Lidhur me rastin është njoftuar edhe Prokurori kujdestar, ndërsa hetimet për prejardhjen e këtyre mjeteve të rrezikshme janë në zhvillim e sipër.
Ky rast shton shqetësimet për praninë ende aktive të mjeteve të rrezikshme të trashëguara nga e kaluara, veçanërisht në zonat rurale ku shpesh punimet tokësore zbulojnë gjurmë të luftës.
Gazeta Sinjali do të vijojë të raportojë për ndërhyrjen e FSK-së dhe ecurinë e hetimeve në këtë rast.
Sinjali – aty ku e vërteta flet para lajmit!
! function(f, b, e, v, n, t, s) {
if (f.fbq) return;
n = f.fbq = function() {
n.callMethod ?
n.callMethod.apply(n, arguments) : n.queue.push(arguments)
};
if (!f._fbq) f._fbq = n;
n.push = n;
n.loaded = !0;
n.version = ‘2.0’;
n.queue = [];
t = b.createElement(e);
t.async = !0;
t.src = v;
s = b.getElementsByTagName(e)[0];
s.parentNode.insertBefore(t, s)
}(window, document, ‘script’,
‘https://connect.facebook.net/en_US/fbevents.js’);
fbq(‘init’, ‘518751155614285’);
fbq(‘track’, ‘PageView’);
