Një studiues i njerëzve më jetëgjatë në botë ka hedhur poshtë një mit të zakonshëm për një ushqim të veçantë, duke pretenduar se ai nuk është ‘armiku’.
Dan Buettner e ka kaluar karrierën e tij duke eksploruar zakonet e ‘Zonave Blu’ të pakapshme në botë – zona që thuhet se njihen për përqindjet e tyre të larta të njëqindvjeçarëve.
Në një TikTok të ri, ai u zhyt në një zgjedhje diete që çdokush mund të bëjë nëse “në të vërtetë dëshiron të jetojë deri në 100 vjet”. Edhe pse një zgjedhje e tillë zakonisht merr një ’emër të keq’, Dan tha se e gjithë pamja shpesh anashkalohet.
“Fjala më e keqe në fjalorin ushqimor është ‘karbohidratet’”, u tha ai 152,000 ndjekësve të tij. “Pse? Sepse fasulet janë karbohidrate, dhe ushqimet më të pashëndetshme në sistemin tonë ushqimor priren të jenë karbohidrate shumë të thjeshta. Në thelb si sheqeri, donuts, biskotat dhe karamelet”.
“Por gjithashtu, ushqimi më i mirë në sistemin tonë ushqimor janë karbohidratet”.
Dan vuri në pah produkte të ndryshme të zakonshme, duke përfshirë fasulet, drithërat, zarzavatet dhe patatet e ëmbla si pjesë e kësaj.
Ai vazhdoi: “Ne e dimë pa asnjë dyshim se njerëzit që jetojnë më gjatë, hanin kryesisht karbohidrate komplekse. Por problemi është që donutët dhe ëmbëlsirat u japin karbohidrateve një emër të keq”.
“Ju keni nevojë për yndyrë, keni nevojë gjithashtu për proteina, por duhet të hani kryesisht karbohidrate komplekse nëse vërtet dëshironi të jetoni deri në 100-vjet. Dallimi kryesor midis karbohidrateve të thjeshta dhe komplekse qëndron në strukturën e molekulave të tyre të sheqerit. Karbohidratet komplekse janë të renditura në zinxhirë të gjatë dhe hulumtimet tregojnë se konsumimi i tyre mund të frenojë çdo tundim për të ngrënë ushqime jo të shëndetshme”.
“Ndërsa sasia e kërkuar varet nga karakteristikat personale si mosha ,gjinia dhe nivelet e aktivitetit, Marrja e Referencës, bazuar në gjetjet nga Autoriteti Evropian i Sigurisë Ushqimore, aktualisht është 260 g karbohidrate në ditë”, tha Beuttner, shkruan Mirror, transmeton Klankosova.tv.
The post Eksperti i njerëzve më të moshuar në botë tregon se ngrënia e karbohidrateve ndikon në jetëgjatësi appeared first on Klan Kosova.
