Kombëtarja e Francës do të jetë pa shërbimet e mesfushorit Aurelien Tchouameni në ndeshjen ndaj Paraguait në Botëror.
Sipas raportimeve nga kampi i “Gjelave”, futbollisti francez ka pësuar një lëndim gjatë seancave stërvitore para këtij dueli, duke u detyruar të mungojë në përballjen e rëndësishme, transmeton Klankosova.tv.
Megjithatë, bëhet e ditur se lëndimi nuk është serioz, dhe Tchouameni pritet të qëndrojë jashtë fushave për rreth katër ditë.
Pavarësisht kësaj, stafi mjekësor i kombëtares franceze do ta monitorojë gjendjen e tij, pasi në rast të ndonjë përkeqësimi të situatës, ai mund të humbasë edhe ndeshjen çerekfinale, nëse Franca siguron kualifikimin.
Ndeshja ndërmjet Paraguait dhe Francës zhvillohet sonte nga ora 23:00.
