Në agjendën e publikuar në faqen zyrtare të Këshillit të Evropës për takimin e Komitetit të Ministrave që do të mbahet në Luksemburg më 13 dhe 14 maj, aplikimi i Kosovës për anëtarësim në këtë institucion nuk figuron.
Megjithatë siç raporton televizioni “N1”, Kosova mund të futet në agjendë tek pika e rendit të ditës “të tjera”.
Kusht për procedimin tutje të aplikimit të Kosovës për anëtarësim në Këshillin e Evropës ka qenë zgjidhja e kontestit pronësor me Manastirin e Deçanit dhe themelimi i Asociacionit të Komunave me Shumicë Serbe. Kryeministri i Kosovës, tashmë në dorëhqeje, Albin Kurti, ishte pajtuar që të zbatonte vendimin e Kushtetueses për tokat e Manastirit.
Kryediplomatja kosovare, tashmë në dorëheqje, kishte provuar vitin e kaluar që në momentet e fundit t’i bind shtetet e KiE për ta përkrahur Kosovën, duke u zotuar përmes një letre se Kosova do ta shkruaj Draftin e Asociaconit dhe se do ta dërgojnë në Kushtetuese.
“Në këtë drejtim, Qeveria e Kosovës është duke përgatitur një draft Statut për Asociacionin e Komunave me Shumicë Serbe (në kuadër të obligimeve të parapara në nenet 7 dhe 10), të frymëzuar nga Fondacioni Friedrich Ebert, i cili do t’i dorëzohet Gjykatës Kushtetuese për shqyrtim deri në fund të majit 2024”, shkruante në letrën e kryediplomates kosovare në majin e vitit 2024.
Kosova ka aplikuar për t’u anëtarësuar në Këshillin e Evropës në maj të vitit 2022.Në mars të vitit 2023, Këshilli i Evropës vendosi t’ia përcjellë këtë kërkesë Asamblesë Parlamentare të Bashkimit Evropian për mendim. Në prill të vitit të kaluar, Asambleja Parlamentare mbështeti pranimin e Kosovës në Këshillin e Evropës dhe ftoi Komitetin e Ministrave të merrte këtë vendim.
Komiteti i Ministrave është organi ekzekutiv i Këshillit të Evropës, i cili përbëhet nga ministrat e punëve të jashtme dhe që mblidhet një herë në vit.
Vendimi merret me shumicë prej dy të tretash të ministrave të pranishëm në takim.
Sinjali – aty ku e vërteta flet para lajmit!
! function(f, b, e, v, n, t, s) {
if (f.fbq) return;
n = f.fbq = function() {
n.callMethod ?
n.callMethod.apply(n, arguments) : n.queue.push(arguments)
};
if (!f._fbq) f._fbq = n;
n.push = n;
n.loaded = !0;
n.version = ‘2.0’;
n.queue = [];
t = b.createElement(e);
t.async = !0;
t.src = v;
s = b.getElementsByTagName(e)[0];
s.parentNode.insertBefore(t, s)
}(window, document, ‘script’,
‘https://connect.facebook.net/en_US/fbevents.js’);
fbq(‘init’, ‘518751155614285’);
fbq(‘track’, ‘PageView’);
