Kryeministri i Kosovës, Albin Kurti, dje e ka pritur në takim ambasadorin e Gjermanisë në Prishtinë, Jorn Rohde. Siç bëhet e ditur nga Zyra e Kryeministrit, gjatë këtij takimi u diskutuan tema të rëndësishme për zhvillimet politike në vend, përfshirë formimin e qeverisë së re pas zgjedhjeve të 9 shkurtit, forcimin e sundimit të ligjit dhe masat ndëshkuese të Bashkimit Evropian ndaj Kosovës.
Kurti e përsëriti kërkesën për heqjen e masave që BE-ja ka vendosur ndaj Kosovës në vitin 2023, si pasojë e përshkallëzimit të situatës në veri të vendit.
“Në këtë kontekst, u diskutua edhe për zhvillimet aktuale në vend lidhur me formimin e qeverisë së re në Kosovë, pas certifikimit të rezultateve të zgjedhjeve të 9 shkurtit.
Gjatë takimit u trajtuan edhe tema të tjera të politikës së brendshme, përfshirë sundimin e ligjit. Një pikë tjetër e diskutimit ishte edhe masat e BE-së ndaj Kosovës, ku kryeministri Kurti përsëriti nevojën për heqjen e tyre”, shkruhet në njoftimin e ZKM-së.
Kujtojmë se Parlamenti Evropian dje ka kërkuar heqjen e masave ndaj Kosovës, duke argumentuar se ato janë në kundërshtim me përkushtimin e Kosovës ndaj vlerave evropiane dhe me politikat që ajo po ndjek për t’u përshtatur me standardet e BE-së.
Nga ana tjetër, shefi i Zyrës së BE-së në Prishtinë, Aivo Orav, ka theksuar se për heqjen e masave nevojitet konsensusi i 27 shteteve anëtare të BE-së, dhe ka shtuar se diskutimet për këtë çështje janë ende në proces.
! function(f, b, e, v, n, t, s) {
if (f.fbq) return;
n = f.fbq = function() {
n.callMethod ?
n.callMethod.apply(n, arguments) : n.queue.push(arguments)
};
if (!f._fbq) f._fbq = n;
n.push = n;
n.loaded = !0;
n.version = ‘2.0’;
n.queue = [];
t = b.createElement(e);
t.async = !0;
t.src = v;
s = b.getElementsByTagName(e)[0];
s.parentNode.insertBefore(t, s)
}(window, document, ‘script’,
‘https://connect.facebook.net/en_US/fbevents.js’);
fbq(‘init’, ‘518751155614285’);
fbq(‘track’, ‘PageView’);
