Një studim i ri ka hedhur dritë mbi arsyet pse banorët e “Zonës Blu” në ishullin italian të Sardenjës jetojnë më gjatë dhe gëzojnë shëndet më të mirë se pjesa më e madhe e popullsisë evropiane.
Studiuesit e Universitetit të Cagliarit analizuan jetën e të moshuarve në këtë rajon dhe arritën në përfundimin se kureshtja, qëndrueshmëria emocionale dhe një jetë aktive shoqërore janë ndër faktorët kryesorë që kontribuojnë në jetëgjatësinë e tyre.
“Zonat Blu” janë rajone të rralla në botë ku njerëzit jetojnë në mënyrë të jashtëzakonshme deri në moshë shumë të shtyrë. Përveç Sardenjës në Itali, të tilla zona gjenden edhe në Okinawa të Japonisë, Ikaria të Greqisë dhe Nicoya në Kosta Rikë.
Sipas studiuesve, banorët e moshuar të Sardenjës nuk përpiqen të bëjnë gjithçka, por përqendrohen në aktivitetet që ende mund t’i kryejnë me sukses dhe që u sjellin kënaqësi, si puna në kopsht, shëtitjet apo pjesëmarrja në aktivitete të komunitetit.
Studimi zbuloi gjithashtu se ata ruajnë lidhje të forta me familjen dhe komunitetin, kanë aftësi më të mira për të përballuar stresin dhe problemet e përditshme, si dhe shfaqin një kompetencë më të lartë emocionale.
Autorët e studimit theksojnë se angazhimi social dhe menaxhimi i stresit janë elementë thelbësorë për një plakje të shëndetshme dhe me cilësi të lartë, shkruan Euronews, përcjell Sinjali.
Zona Blu e Sardenjës përfshin gjashtë fshatra në rajonin Ogliastra, ku përqindja e personave që kanë arritur moshën 100-vjeçare është rreth pesë herë më e lartë se mesatarja evropiane dhe tre herë më e lartë se në pjesën tjetër të Sardenjës.
Një veçori tjetër interesante është se, ndryshe nga pjesa tjetër e botës ku gratë jetojnë më gjatë se burrat, në këtë zonë numri i burrave dhe grave që arrijnë moshën 100-vjeçare është pothuajse i barabartë.
Sinjali – aty ku e vërteta flet para lajmit!
! function(f, b, e, v, n, t, s) {
if (f.fbq) return;
n = f.fbq = function() {
n.callMethod ?
n.callMethod.apply(n, arguments) : n.queue.push(arguments)
};
if (!f._fbq) f._fbq = n;
n.push = n;
n.loaded = !0;
n.version = ‘2.0’;
n.queue = [];
t = b.createElement(e);
t.async = !0;
t.src = v;
s = b.getElementsByTagName(e)[0];
s.parentNode.insertBefore(t, s)
}(window, document, ‘script’,
‘https://connect.facebook.net/en_US/fbevents.js’);
fbq(‘init’, ‘518751155614285’);
fbq(‘track’, ‘PageView’);
