Opinionisti Rrahman Paçarizi ka shprehur shqetësimin e tij për gjendjen e demokracisë në Kosovë, duke vlerësuar se relativizimi i procedurave demokratike po e dëmton seriozisht funksionimin e saj.
Mbrëmë në emisionin “Rubikon” në Klan Kosova, Paçarizi tha se këtë shqetësim e ka ngritur edhe më herët, por sipas tij, mesazhi nuk po merr vëmendjen e duhur, transmeton Klankosova.tv.
“Ajo që neve po na ndodh, e që po mundohem me theksu tash e disa herë, por nuk e di pse nuk po më shkon zëri, është se këtu është duke vdekur demokracia për ditë, sepse po relativizohen procedurat demokratike. Relativizmi i procedurave demokratike çon në vdekjen e demokracisë dhe rrjedhimisht shkohet në diçka tjetër që nuk është demokraci, e neve na lë të pambrojtur”, u shpreh Paçarizi në Klan Kosova.
