Delegacionet nga Shtetet e Bashkuara dhe Irani pritet të mbërrijnë këtë fundjavë në Pakistan, ku sipas burimeve iraniane do të zhvillojnë negociata të hënën.
Zyrtarët amerikanë nuk e kanë konfirmuar ende mbajtjen e takimit, ndërsa presidenti Donald Trump është shprehur optimist se palët janë afër një marrëveshjeje.
Ministri i Jashtëm i Iranit deklaroi se Ngushtica e Hormuzit është “plotësisht e hapur” për anijet tregtare, megjithëse mediat shtetërore iraniane kanë shfaqur paqartësi dhe kompanitë e transportit detar po tregojnë kujdes. Trump ka thënë se bllokada detare amerikane do të vazhdojë deri në arritjen e një marrëveshjeje.
Ndërkohë, armëpushimi 10-ditor në Liban duket se po respektohet në përgjithësi, megjithëse Libani ka akuzuar Izraelin për disa shkelje.
Trump deklaroi se bisedimet do të vazhdojnë gjatë fundjavës dhe se nuk ka “shumë dallime të mëdha” mes palëve duke shtuar se bllokada ndaj porteve iraniane do të përfundojë sapo të nënshkruhet një marrëveshje. /Burimi: CNN/
