Real Madridi ka përgatitur ofertën e parë zyrtare prej 60 milionë eurosh për mbrojtësin e Interit, Alessandro Bastoni, i cili konsiderohet prioriteti kryesor i Jose Mourinhos për repartin defensiv.
Sipas raportimeve nga Spanja dhe Italia, 27-vjeçari është i hapur për transferimin në “Santiago Bernabeu”, ndërsa drejtuesit madrilenë besojnë se marrëveshja mund të arrihet pasi të largohen disa lojtarë, në mënyrë që të krijohet hapësirë në skuadër dhe në buxhet.
