Ish-deputeti i PDK-së, Abelard Tahiri, këtë të hënë ka vizituar ish-presidentin Hashim Thaçi në Hagë.
Përmes një postimi në Facebook, Tahiri tha se edhe kjo vizitë ishte jashtëzakonisht emocionuese, transmeton Klankosova.tv.
“Çdo takim sjell emocione të veçanta, sepse përtej mureve të paraburgimit gjen të njëjtën forcë, dinjitet dhe besim që e kanë karakterizuar gjithmonë. Bisedat me të janë gjithmonë frymëzuese dhe të mbushura me shpresë për të ardhmen”, ka shkruar ai.
Pos tjerash, Tahiri tha se me gjithë sfidat që po përballon Thaçi, sipas ish-deputetit, ai vazhdon ta ruajë qetësinë, vendosmërinë dhe besimin se e vërteta do të dalë në dritë.
“Uroj që kjo periudhë të marrë fund sa më shpejt dhe ai, së bashku me bashkëluftëtarët e tij, të kthehen pranë familjeve dhe popullit të tyre”.
