Të paktën 15 pasagjerë autobusi kanë vdekur në një aksident në shtetin verilindor brazilian të Pernambukos, në rrethana të paqarta, tha sot policia.
Tragjedia ndodhi vonë natën e kaluar kur shoferi i autobusit që transportonte 30 persona humbi kontrollin e automjetit, shtoi policia.
Midis viktimave janë 11 gra dhe katër burra.
Sipas Policisë Federale të Rrugës, autobusi kaloi në korsinë e kundërt, goditi shkëmbinjtë në anë të rrugës, më pas u përplas me një breg rëre dhe u përmbys.
Sipas informacioneve të disponueshme deri më tani, midis viktimave janë 11 gra dhe katër burra. Numri i të plagosurve nuk është konfirmuar ende.
Shoferi u plagos lehtë dhe testi i tij për alkooltestin rezultoi negativ. Ai ndodhet aktualisht në stacionin e policisë.
“Disa pasagjerë ranë nga automjeti, duke treguar se nuk po përdornin rripat e sigurimit”, tha policia. /Kosova.info/
