Presidenti i Shteteve të Bashkuara të Amerikës, Donald Trump ka urdhëruar prokuroren e përgjithshme, Pam Bondi që ajo të rishikojë sjelljet e avokatëve dhe firmave ligjore që administrata konsideron se kanë ngritur padi joserioze ndaj administratës Trump ose edhe kanë tentuar të bllokojnë nismat e emigracionit, duke u munduar të zgjerojnë goditjen e presidentit ndaj komunitetit ligjor në SHBA, transmeton CNN, përcjell Gazeta Sinjali.
Në një memorandum, Donald Trump ka rishikuar inatet e së kaluarës kundër avokatëve që e kanë kundërshtuar, derisa ai u zotua që do t’i ndëshkojë avokatët dhe firmat ligjore duke shfuqizuar lejet e sigurisë dhe duke anuluar kontratat federale që ata kanë.
Memorandumi kërkon nga prokurorja e përgjithshme “të kërkojë sanksione kundër avokatëve dhe firmave ligjore që përfshihen në procese gjyqësore joserioze, të paarsyeshme dhe shqetësuese kundër Shteteve të Bashkuara ose në çështjet përpara departamenteve dhe agjencive ekzekutive të Shteteve të Bashkuara”.
Gjithashtu, prokurorja Bondi është urdhëruar “të rishikojë sjelljen e avokatëve ose firmave të tyre ligjore në proceset gjyqësore kundër Qeverisë Federale gjatë 8 viteve të fundit” për të përcaktuar dhe rekomanduar presidentit “hapa shtesë që mund të ndërmerren, duke përfshirë rivlerësimin e certifikatave të sigurisë të mbajtura nga avokati, përfundimin e çdo kontrate për të cilën avokati ose firma ligjore përkatëse është punësuar për të kryer shërbime të tjera të përshtatshme veprimi”.
Ndikimi aktual i memorandumit është i paqartë, sepse gjuha e gjerë nuk përcakton se çfarë sjellje do të kërkonte ndëshkim për avokatët dhe firmat ligjore.
Por, mund të themi se memorandumi fokusohet kryesisht te avokatët e përfshirë në çështjet e imigracionit dhe urdhëron prokurorin e përgjithshëm të paraqesë ankesa për sjellje të pahijshme kundër avokatëve që administrata përcakton se kanë vepruar në mënyrë të pahijshme.
! function(f, b, e, v, n, t, s) {
if (f.fbq) return;
n = f.fbq = function() {
n.callMethod ?
n.callMethod.apply(n, arguments) : n.queue.push(arguments)
};
if (!f._fbq) f._fbq = n;
n.push = n;
n.loaded = !0;
n.version = ‘2.0’;
n.queue = [];
t = b.createElement(e);
t.async = !0;
t.src = v;
s = b.getElementsByTagName(e)[0];
s.parentNode.insertBefore(t, s)
}(window, document, ‘script’,
‘https://connect.facebook.net/en_US/fbevents.js’);
fbq(‘init’, ‘518751155614285’);
fbq(‘track’, ‘PageView’);
