Tek Qendra Kryesore e Mjekësisë Familjare në Han të Elezit që nga e hëna e deri më sot, ka trajtuar dhe pranuar 80 qytetarë të moshave të ndryshme.
Gazetarja e Klan Kosovës, Arbreshë Uka ka bërë të ditur se në terren ka takuar disa qytetarë, të të njëjtës familje, të cilët kanë shfaqur simptoma te helmimit, transmeton Klankosova.tv.
Ajo theksoi se të njëjtit dyshohet se kanë konsumuar ushqim në dy lokacione të ndryshme.
“Ata dyshohet se janë helmuar pas konsumimit të ushqimeve të shpejta në dy lokacione të ndryshme të Fast Food-ave në Han të Elezit.
Simptomalogjia, sipas drejtoreshës së Shëndetësisë, por edhe vetë pacientëve që kemi komunikuar, ka qenë diarre, vjellje, temperaturë, ethe, madje edhe shumica prej tyre, për dy ditë me radhë po marrin infuzione për të tejkaluar dhe për t’u stabilizuar”, u shpreh ajo.
Megjithatë, sipas Ukës, tre nga pacientët që ishin referuar për në Klinikën Infektive, siç thotë ajo, drejtoresha e shëndetësisë ka bërë të ditur se edhe pse janë transferuar, Klinika Infektive nuk i ka pranuar.
“Përveç që i ka kontrolluar, i ka kthyer ata për të marrë trajtimin në kushte shtëpie. Por QKUK bëri të ditur se ka pranuar pesë qytetarë nga Hani i Elezit, por nga kjo komunë thonë që nuk ka të hospitalizuar nga kjo komunë”, tha Uka.
Ndër të tjera, gazetarja tha se edhe këtë të mërkure, janë paraqitur edhe gjashtë raste të tjera.
“Të njëjtit kanë deklaruar se janë ushqyer në kushte shtëpie”, shtoi Uka.
