Presidenti ukrainas Volodymyr Zelenskyy deklaroi të dielën se Kievi goditi tri depo nafte dhe një objekt karburanti në rajonin rus të Stavropolit, si dhe tri anije që i përshkroi si pjesë e “flotës së hijeve” të Rusisë në Detin e Zi.
“Ne vazhdojmë t’u përgjigjemi sulmeve ruse në mënyrë plotësisht të justifikuar dhe të saktë,” tha Zelensky përmes “X”, raporton Anadolu, transmeton klankosova.tv.
Më herët, guvernatori rajonal Vladimir Vladimirov njoftoi në Telegram se një sulm me dron shkaktoi zjarr në një zonë industriale në veri të Stavropolit.
Ai tha se materialet e djegshme në vendngjarje po shpërthenin, duke shkaktuar shpërthime që dëgjoheshin në qytet, por shtoi se nuk kishte rrezik për zonat e banuara aty pranë.
Sipas informacioneve paraprake, nuk u raportua për viktima apo të lënduar, tha Vladimirov.
