Zbardhen detaje të reja nga ngjarja e rëndë që tronditi Tiranën më 27 shkurt.
Një 24-vjeçare palestineze, e identifikuar si Rayyan Alwan u gjet e vrarë me thikë në një banesë në rrugën “Gjon Muzaka”.
Fillimisht u raportua se e reja ishte vrarë nga bashkëshorti.
Por Policisë së Tiranës i kanë mbërritur dokumente nga Interpoli që konfirmojnë se Rayyan Alwan dhe Fadi Alwan janë babë e bijë, ndërkohë që Fadi Alwan, prezantohej si bashkëshorti i saj.
Të dhëna të tjera nuk janë dërguar nga Interpol ende që mund të tregojnë përbërjen e familjes se tyre.
Ndërkohë gazeta e madhe holandeze, raporton se autori i krimit mund të fshihet në Holandë.
Gazeta hedh dyshime se viktima është përdhunuar përpara se të vritej.
Ekspertiza për vdekjen e vajzës nga Palestina ende nuk ka përfunduar nga instituti i mjekësisë ligjore.
Burime nga policia bëjnë me dije se nga këqyrja e kamerave ka rezultuar se gjithë komunikimet ne aeroport apo tek shtëpia që kanë marrë me qira i kryente vetëm i ati, pasi 24-vjeçarja nuk fliste fare.
Policia kishte dyshime se dy palestinezët kishin përdorur dokumente false, por deri më tani nuk ka rezultuar një gjë e tillë./De Telegraaf
Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.
